Ստուգաթերթ «5 քայլ դեպի ձեր երազանքների քիթը»

Տարիքային հակացուցումներ:

• մինչև 17 տարեկանը աղջիկների համար, մինչև 18 տարեկանը տղաների համար;
• 65 տարեկանից հետո (բարդությունների առաջացման մեծ ռիսկի հետ կապված, ինչպես նաև վերականգնողական ֆունկցիայի թուլացմամբ պայմանավորված՝ հյուսվածքների ապաքինման դանդաղեցմամբ)։

Հակացուցումներ՝ հոգեբանական ասպեկտի պատճառով

• Եթե հաճախորդի սպասելիքներն ի սկզբանե չեն համապատասխանում նախատեսվող վիրահատության արդյունքին, ապա բժիշկն իրավասու է մերժել ռինոպլաստիկան։
• Վիրահատությունը մերժվում է նաև, եթե չկան վիրահատելու ցուցոմներ։
• Աստղերի արտաքինն ընդօրինակելը չի ընդօրինակի նրանց հաջողակ կյանքը։
• Ռինոպլաստիկան ակնթարթորեն չի դարձնի մարդուն հաջողակ ու հայտնի։ Սա որոշակի տրանֆորմացիա է, աշխատանք ինքդ քեզ վրա։ Պատրաստ եղեք դրան։

Վիրահատությանը հերթագրվելու համար անհրաժեծտ է անցնել՝

• համակարգչային տոմոգրաֆիա
• մոդելավորում
• հանձնել 4 անալիզ

Ինչպե՞ս լուսանկարվել։

• Մոդելավորման համար սելֆիներ ՉԵՆՔ ԸՆԴՈՒՆՈՒՄ․ խնդրեք, որ ինչ-որ մեկը լուսանկարի ձեզ։
• Լուսանկարելիս լուսանկարիչը պետք է լինի 1-1,5 մետր հեռավորությամբ։
• Լուսանկարվելիս ֆոտոխցիկը պետք է լինի քթի մակարդակին։
• Լուսանկարները պետք է լինեն որակյալ, չլղոզված, «ֆոկուսի» մեջ։ Լավ լուսավորությամբ և առանց ստվերի։
• Լուսանկարների ֆոնը պետք է լուսավոր լինի (սպիտակն իսկականն է)։
• Մոդելավորումը փակ աչքերով չի կատարվում։
• Լուսանկարների ծավալը չպետք է լինի 500 կբ-ից պակաս։

Քթի մոդելավորման համար հարկավոր է․

• Մեկ լուսանկար դիմացից
• Երկու լուսանկար կողքից (երկու կողմից)
• Երկու լուսանկար կիսապրոֆիլից (45 աստիճանի՝ երկու կողմից)
• Մեկ լուսանկար՝ տեսքը ներքևից
Մոդելավորման արդյունքը սովորաբար ուղարկում ենք 7 օրվա ընթացքում։
Եթե մեկ շաբաթվա ընթացքում չեք ստացել մոդելավորումը, գրեք ինձ info@nose.am հասցեին։

ԿՏ-ն և մոդելավորման համար նախատեսված լուսանկարներն ուղարկեք ՄԻԱՅՆ վիրտուալ խորհրդատուի միջոցով՝ http://nose.am/#virtual։

Եթե մոդելավորումը ձեզ դուր չի գալիս

Մոդելավորում անելով, ես, բնականաբար, առաջնորդվում եմ ձեր արտահայտած ցանկություններով։ Սակայն սա «քիթ նկարելը» չէ, այլ, այսպես ասած, վիրտուալ վիրահատություն, որից առաջ ես վերլուծում եմ անատոմիական տվյալները (զուր չէ, որ դուք ուղարկում եք լուսանկար վեց տեսանկյունից) և ցույց եմ տալիս բացառապես այն, ինչը ձեր դեպքում հնարավոր է անել և անվտանգ է։ Մեկ-մեկ, տեսնելով մոդելավորման արդյունքը, բուժառուն ասում է․ «ավելի բարակեցրեք քիթը», բայց, ի պատասխան, միշտ մերժում է լսում․ եթե անհաջող կարված հագուստը կարելի է պարզապես չկրել, ապա քթի հետ խաղ անել չի կարելի։ Համաձայնեք, ունենալ «երազանքների քիթ», որը, դրա հետ միասին, նաև չի շնչում, ավելի տհաճ է, քան կարի սրահից վերցնել բլուզը, որի թևերը կարճ են ստացվել։ Ես վիրաբույժ եմ, ոչ թե դերձակ և ամենից առաջ պատասխանատու եմ առողջության համար։

• ԿՏ-ի և մոդելավորման փուլերից հետո արդեն կարելի է գրանցվել վիրահատությանը։
• Նամակ գրեք ինձ՝ մատնանշելով ձեր ցանկացած օրը։
• Պատասխան նամակով ես հաստատում եմ, կարելի է արդյոք ամրագրել այդ օրը, թե ոչ։
• Վիրահատության ամսաթվի փոխահամձայնեցումից հետո, դուք փոխանցում եք կանխավճարը կլինիկայի հաշվեհամարին։
• Լուսանկարեք կամ սքանավորեք վճարման անդորագիրը և ուղարկեք ինձ։
• Կլիիկայի հաշվապահության կողմից փոխանցման հաստատումից հետո, դուք կստանաք նամակ, որում նշված կլինի վիրահատության կոնկրետ ամսաթիվը և ժամը և հետագա ցուցումները։

Կանխավճարը

Վիրահատությունների գրաֆիկի համաձայն, կոնկրետ օրը գրանցվելու համար անհրաժեշտ է կանխավճար մուծել՝ վիրահատության արժեքի 10%-ի չափով։
Եթե ամեն բան գնում է «իր հունով», վիրահատության համար վճարում եք 10% պակաս։
Վիրահատության օրը կարելի է միայն մեկ անգամ փոխել․ վերջնաժամկետը՝ վիրահատությունից 14 օր առաջ է։ Եթե վիրահատության օրը փոխում եք մեկ անգամից ավել, կամ վերջնաժամկետից ուշ, կանխավճարը վերածվում է տուգանքի։ Կրկին գրանցվելու համար կարիք կլինի նորից վճարել։

Վիրահատության արժեքները

Քթի ծայրի պլաստիկա 800 000 դրամ
* Առաջնային ռինոպլաստիկա 1 մլն. դրամ
* Առաջնային ռինոսեպտոպլաստիկա 1,2 մլն. դրամ
** Երկրորդային ռինոպլաստիկա 2 մլն. դրամ
* Եթե քթի վիրահատությունն առաջին անգամ է կատարվում, այն կոչվում է առաջնային։
** Եթե նախկինում քթի կամ քթի միջնապատի որևէ վիրահատություն եք ունեցել, նոր վիրահատությունը կոչվում է երկրորդային (նույնիսկ, եթե մի քանի վիրահատություն եք ունեցել)։ Երկրորդային վիրահատությունների արժեքն ավելի բարձր է և կախված է վիրահատության ծավալից ու բարդությունից։
Վիրահատության կոնկրետ արժեքը որոշվում է միայն ԿՏ-ի արդյունքների ֆայլերի և լուսանկարների ուսումնասիրությունից հետո։

Արժեքի մեջ ի՞նչն է ներառված

• Բժշկի առերես (ոչ առցանց) խորհրդատվություն վիրահատությունից առաջ;
• Անեսթեզիոլոգի բուժզննում;
• Ընդհանուր անզգայացմամբ (նարկոզ) վիրահատություն;
• Կլինիկայում մեկ օր պառկելը;
• Վիրահատությունից մեկ շաբաթ հետո վիրակապելը;
• Վիրահատությունից 6 ամիս ու 1 տարի հետո բուժզննումը՝ տեսակապի միջոցով։

Դեղորայքը, որը պետք է գալու ապաքինման համար տանը՝ դուրս գրվելուց հետո, բուժառուն ինքն է ձեռք բերում։

Երևանում նախավիրահատական հետազոտությունն անցկացվում է վիրահատությունից մեկ օր առաջ՝ 9։30, կլինիկայում։
(այն ՆԵՐԱՌՎԱԾ ՉԷ ՎԻՐԱՀԱՏՈՒԹՅԱՆ ԱՐԺԵՔԻ ՄԵՋ )

Եթե վաղուց անալիզ չեք հանձնել, ձեզ մոտ, բնակության վայրում կարող եք հանձնել այս 4 անալիզը։ Ձեր անալիզների պատասխաններն ուղարկեք ինձ՝ info@nose.am էլ․ փոստին։

• Արյան ընդհանուր անալիզ, էրիթրոցիտների նստվածքի արագություն (ISR)
• Արյան կենսաքիմիական անալիզ (ընդհանուր սպիտակուց, ALT, AST, ընդհանուր և ուղիղ բիլիռուբին, կրեատինին, միզանյութ, գլյուկոզա, շիճուկային երկաթ)
• Մեզի ընդհանուր անալիզ
• Կոագուլոգրամա (հեմոստազիոգրամա) APTT ակտիվ. մասնակի թրոմբոպլաստինային ժամանակ, INR միջազգային նորմալիզ. հարաբ., պրոտրոմբինային ինդեքս, տրոմբինային ժամանակ, ֆիբրինոգեն, հակատրոմբին III, մակարդելիության ժամանակ (թրոմբինային ժամանակ (TT))։

Եթե տեսողության հետ կապված խնդիրներ ունեք, պետք է նախօրոք ակնաբույժի մոտ խորհրդատվություն անցնել և վերցնել գրավոր եզրակացություն, որում գրված է, որ ռինոպլաստիկային խոչընդոտող ոչ մի հակացուցում չունեք։

Եթե ուղեկցող հիվանդություններ ունեք, կարիք կլինի համապատասխան մասնագետի մոտ խորհրդատվություն անցնել։

• Վիրահատության նախորդ օրը 20։00-ից հետո ոչինչ չուտել, իսկ կեսգիշերից հետո՝ ոչինչ չխմել։
• Առավոտյան վիրահատությունից առաջ ոչինչ չուտել և չխմել։
• Վիրահատության օրը չօգտագործել կոսմետիկա։
• Ձախ ձեռքի բութ մատից մաքրել լաքը։
• Բոլոր զարդերն ու թանկարժեք իրերը թողնել տանը։
• Վիրահատությունից մեկ շաբաթ առաջ չընդունել ոչ մի դեղորայք և ԲԱԴեր.
• Վիրահատությունից 3 օր առաջ և դրան հաջորդող մեկ ամսվա ընթացքում չծխել․ ծխելը դանդաղեցնում է ապաքինման գործընթացը և պահպանում այտուցները։
• Վիրահատությունից մեկ շաբաթ առաջ և դրանից հետո դեռ մեկ ամիս ամբողջությամբ բացառել ալկոհոլը։
• Պատրաստել փոխնորդ հագուստ՝ վիրահատությունից առաջ փոխվելու համար։ Այն պետք է լինի կոճակներով կամ շղթայով, որպեսզի չվնասի քիթը՝ վիրահատությունից հետո փոխվելիս։